خبر – تسمّر الملايين أمام شاشات التلفزة ليل الاثنين لمتابعة كلمة أمين عام حزب الله والردّ القاسي الذي كان متوقّعا على أحداث الطيونة, فكان لمحبيه ما أرادوا ولأعدائه صدمة عمرهم, اذ كشف السيد نصرالله واحد من أخطر أسرار حزبه وأكد وجودو 100 ألف مقاتل جاهزون.
وتوجّه سيد المقاومة الى رئيس حزب القوات اللبنانية سمير جعجع بأقوى ردّ جاء فيه حرفيا:
“ليك .. و ليكوا.. انا ما رح اجي قلكن جمهور المقاومة ولا رح قلكن حلفائنا بحركة أمل أدي عندن ولا باقي الحلفاء, أنا مضطر عد لا بدي عد الأنصار ولا المؤيدين ولا المحبين, ولما بدخل على الحزب ما بدي عد الطلاب ولا المهن الحرة ولا النقابات ولا التنظيم النسائي ولا المؤسسات المدنية ولا الكشاف اللي فيهن شباب, ولا ولا ولا.. انا حابب بس انت تاخد علم هيدا الرقم وانا اول مرة مضطر اكشف هيدا الرقم لأمنع الحرب الاهلية مش لهدد بحرب أهلية.
انتو بتعرفوني ما بحكي بشي غير موجود, انا حتى بالحرب النفسية انتمي الى مدرسة تقول ان الكذب لا يخدم بالحرب النفسية, الصح والصدق هو اللي بيخدم بالحرب النفسية.
شوف بس حزب الله الهيكل العسكري اللي فيه, ونحنا مش ناكرين انو عنا هيكل عسكري وعنا سلاح وعنا امكانات, بس حزب الله عم بحكيك بس بالرجال وعم بحكيك بس باللبنانيين اللي هني لبنانيين منذ أكثر من 100 سنة مش من عشر سنوات, مدربين ومنظمين ومهيكلين ومسلحين وأصحاب تجربة وأصحاب روحية ولو أُشير مش لو أُمروا. ولو أُشير لهم ان يحملوا على الجبال لأزالوها.. اكتب عندك مائة ألف مقاتل..مائة ألف مقاتل!!
