موقع “خبر” – من منصة تويتر, رنيم بوخزام تلقّن جوزيف ابو فاضل درسا بالإنسانية وتذكّره بالمرأة وكينونتها وخاصة التي أنجبته!
على موقع تويتر, نشر المحامي والمحلل جوزيف ابو فاضل المقرّب من التيار الوطني الحر ورئيس الجمهورية, تغريدة جاء فيها: “بمناسبة :لا ولن نقبل بأن تعطي المرأة اللبنانية،أولادها الجنسية اللبنانية مهما كان الثمن،لأن ذلك يغير في ديموغرافية لبنان الذي لا نقبل أن توزع جنسيته بهذه الطريقة المخالفة للقانون! على الجميع أن ينسى أمر إعطاء الأم اللبنانية الجنسية لأولادها”.
فما كان من الإعلامية رنيم بو خزام الا ان ردّت عليه بالقول: “بس إذا ممكن تخبّرنا بأي صفة عم تقرر انو الكل بدو ينسى هيدا الموضوع؟!!!”
فجاءها الردّ من ابو فاضل مرة أخرى: “تخبرنا؟؟ليش مين حضرتك تتحكي بالجمع؟ بعدين شفتك وسمعتك قديشك منحازة مع ضيوفك ما بعرف لصالح مين! وكمان حب الظهور والوقاحة وصحبتك شافوهن كل الناس.. خليكي بعيدي عن هذا الأمر آنسة Raneem لو سمحتي. أو فيكي تتزوجي سوري أو فلسطيني وتخلفي ولاد،عندها بحقلك تسأليني؟ ويمكن جاوبك تحياتي”.
وأخيرا جاء الرد الأقوى من رنيم منهيا الصراع التويتري حين كتبت: “حضرتي مواطنة لبنانية بتفضّل ما ترد عليك بمستوى كلامك،بس بحب قلّك انو المرأة اللبنانية اللي اختارت تتزوج سوري أو فلسطيني أو فرنساوي أو أميركاني أو إيراني أو شو ما كانت تكون الجنسية، مش بحاجة لدروس بالمواطنية منك. يا ريت شي مرّة تفرجي ذرّة إحترام للمرأة. اللي جابتك على هالدني مرأة!”.
